上海一品香菜館 (Closed)

七月十二日繼續年中無休，是日亦然，開場前要整備資料，約了食友吃些小品傾下待會實戰運作。周日要到三點先有下午茶，看看錶還有等半小時，只好將錯就錯叫來四喜烤麸同齊菜雲吞。四喜烤麸等上十分鐘先到，原來是即叫即加熱，粗菜小館，烤麸自然配唔足「四喜」，只有幾片木耳作伴，烤麸切成方粒，似樣，但質感麻麻吃起來鬆腍，比起切條好好多，但唔夠味，如果是凍吃再乾爽一點會更好。上海雲吞呈元寶狀，皮唔厚唔薄，餡了是幾攪的吃起來「實的的」，除豬肉外加入齊菜有種獨特香味，一碗約六粒，小館質素除開五元一粒，都唔平的。試完兩味，傾好作戰計劃，開工去。