新雅食軒

Open Now

Now Closed

車了太太出旺角上堂. 而我就要獨個兒為呢一個半小時打發消遣. 遊市區車河覺得乏味, 便想起食. 把車開到黎石硤尾. 看看有沒有街邊車位. 可是星期六, 找一個車位, 是絕世的難事. 剛好在巴域街, 讓我找到一家茶餐廳, 門口有個非泊車位可以讓我泊底, 就決定入來, 先揀一個有利睇住部車既位置. 開始食我的早餐去.看門面, 這的確是一間非常古舊的茶餐廳. 但入到去, 舊是舊, 但古舊的色彩是沒有的, 只是一間經營了一段日子的茶餐廳而已. 特色, 似舊, 但一點也不覺舊. 早餐嘛, 也就是一碗麵搞拈. 簡單得不得再簡單的, 就要了一個雞扒拼餐肉麵. 塊餐肉, 稍為香煎一下. 味道香口, 兼且除了原有油. 雞扒, 味道尚可, 煎得皮脆, 但可惜的是, 煎過龍了少少, 食落竟然有少少肉脆的感覺.奶茶, 是香口滑喉的. 不錯.吃一個簡單的公仔麵早餐. 不過有少少戰兢的, 因為, 我始終都係非法泊車.....打發好時間,收到齋妹落堂的電話聲. 她在旺角踏上我的前七, 下一站, 也是美食, 而地點是, 九龍城...