Video
Read full review
2015-01-12
1470 views
看雜誌介紹此餐廳，以荔園遊樂場作主題，又有疑似韓國爆谷軟雪糕供應，鐘意影餐廳裝潢及食物既我就同朋友一起前來，抱住期待既心情，卻換來數個失望呀！一嚟到餐廳，見已有人龍在此，決心要幫襯既我們跟住排隊，見食店左右兩旁也有龍... 心諗究竟排邊架，還是分外賣及堂食既龍呢？排左好一陣子，聽到店員(相信係老闆來的)大叫有冇人未攞飛，才知道要先攞籌的，雖然張飛做到入場券咁有噱頭，但冇寫明等位方法真係有點混亂。等位期間看到門口既海報有8項廚師推介，包括豬手﹑魷魚釀飯，另外又有什麼樂園雪糕咁，心諗，可能晚市才有啦！過左40多分鐘，終於可入座，雖然冇得坐過山車或船仔座位，但影下四周環境都開心既。甫坐下店員放下兩張餐牌，除了午餐及特餐外，另一張餐牌是有剛提到的廚師推介，心大喜，稍作商量後便點菜，首先點既係我至愛部隊鍋，然後是老公想吃的豬手，點知店員話冇豬手，咁算啦！魷魚釀飯吖唔該，店員又話冇魷魚，搞錯呀！又冇！之後店員話人太多做唔切，所以叫我地點番午餐或特餐喎！好啦！將就下啦！咁我地點了兩客部隊鍋及豬扒菜飯。咁除左想影相，仲想食個招牌雪糕嘛，咪問店員要唔要而家落單先囉！點知佢話六點後才有雪糕喎！咁你乜叉都冇
一嚟到餐廳，見已有人龍在此，決心要幫襯既我們跟住排隊，見食店左右兩旁也有龍... 心諗究竟排邊架，還是分外賣及堂食既龍呢？排左好一陣子，聽到店員(相信係老闆來的)大叫有冇人未攞飛，才知道要先攞籌的，雖然張飛做到入場券咁有噱頭，但冇寫明等位方法真係有點混亂。
等位期間看到門口既海報有8項廚師推介，包括豬手﹑魷魚釀飯，另外又有什麼樂園雪糕咁，心諗，可能晚市才有啦！過左40多分鐘，終於可入座，雖然冇得坐過山車或船仔座位，但影下四周環境都開心既。甫坐下店員放下兩張餐牌，除了午餐及特餐外，另一張餐牌是有剛提到的廚師推介，心大喜，稍作商量後便點菜，首先點既係我至愛部隊鍋，然後是老公想吃的豬手，點知店員話冇豬手，咁算啦！魷魚釀飯吖唔該，店員又話冇魷魚，搞錯呀！又冇！之後店員話人太多做唔切，所以叫我地點番午餐或特餐喎！好啦！將就下啦！咁我地點了兩客部隊鍋及豬扒菜飯。咁除左想影相，仲想食個招牌雪糕嘛，咪問店員要唔要而家落單先囉！點知佢話六點後才有雪糕喎！咁你乜叉都冇做咩俾呢個特別餐牌我地啫！真係火都嚟，唔係因為結婚週年我真係提早同佢開年呀！
好啦！人地唔賣你又有乜法子吖！咪唯有等有得賣嗰兩個午餐囉！咁等吃既時間我就四周影相啦！影相位係多既，都幾開心下！但影完番位乜都未嚟，水又冇杯，卒之落單後大半個鐘才有餐飲，分別係百香果果茶及巨峰冰飲，味道一般啦！跟住多15分鐘左右先開始好像擠牙膏咁出午餐，先來既係部隊鍋，$55既價錢嚟講確實幾抵食，一個韓式麵餅(唔肯定係咪辛辣麵)加一大片圓形既午餐肉(1開4)﹑兩片完整煙肉﹑一片大火腿(又係1開4)及三粒小菜肉餃子，雖然有點食到一肚氣，但講公道說話，這個部隊鍋確係做得不錯，除了餃子同火腿，餐肉同煙肉係先煎過的，所以香口好多，而部隊鍋上桌時面頭加了芝士，橙紅湯底﹑整齊又豐富既配菜，加埋以偽銅鍋present(佢應是鑊仔來的)，讓人加分，如果個麵唔咁腍會更佳。
跟住嚟既係豬扒菜飯，除了豬扒同菜飯，還有一隻1開2既滷蛋，賣相比部隊鍋遜色，而且朋友話塊豬扒凍架，為左唔想再等，所以佢冇投訴。你話吖！已經要等成9個字先有既飯，仲要係凍既，係咪勞氣先。我地三人差不多吃了大半，最後一個豬扒菜飯一追再追才來，即差不多成個鐘，可幸既是睇到豬扒有煙，唔係朋友反枱都有呀！(我仲聽到隔離枱碟滷水雞翼係凍架！)
門口大大隻字話麻辣媽媽原班人馬，即熟手技工啦！有乜理由乜都冇同做唔切呀！總之如果你為左影相而來，OK，但為食而來，則祝你好運嘞！
豬扒菜飯
$48
38 views
0 likes
0 comments
部隊鍋
$55
60 views
1 likes
0 comments
Other Info. :
朋友翌日幫襯，又係百冇，推介既爆谷雪糕又冇，店員話雪糕機嘈所以唔整，又唔見連鎖Shabu Shabu內既雪糕機嘈！狡辯!!!!
(The above review is the personal opinion of a user which does not represent OpenRice's point of view.)
Post
