Video
Read full review
2022-05-09
385 views
近呢幾年開始，唔小舊區都開始進行活化發展，陸陸續續有好多有特色嘅小店同Cafe開始進駐，個人覺得呢個改變未嘗唔係一件好事，可以令到好多人會因此而發掘到好多舊區嘅美，而且亦令好多舊區變得更有生氣，土瓜灣亦係其中一個。呢間On the Hill Coffee Bar 早早已經係我口袋必去名單嘅其中一員，佢有三間分店，今次我就揀咗去土瓜灣呢間。鋪頭以白色大理石為主調，一大塊落地大玻璃作為採光，燈光亦夠明亮，整體乾淨舒服，感覺悠閒。• 𝗡𝗼𝗿𝘄𝗮𝘆 𝗦𝗺𝗼𝗸𝗲𝗱 𝗦𝗮𝗹𝗺𝗼𝗻 𝘄𝗶𝘁𝗵 𝗮𝘃𝗼𝗰𝗮𝗱𝗼($𝟳𝟴)：早前見過佢哋有另一個三文魚，牛油果同埋青瓜分別都係以切粒形式上嘅Bagel，但今次到訪唔見有，可能近來餐牌有變，只見有呢款「挪威煙三文魚切片＋牛油果蓉Bagel」。個人覺得前者幾有特色，如果真係轉咗而家呢款就較為普通。Bagel係店鋪自家製的，口感唔錯，未到好煙韌，但亦唔會話好難以切開。煙三文魚就做成玫瑰花嘅形狀，雖然唔算好嫩滑，但亦帶有微微煙熏味道，惟牛油果蓉太少，味道唔夠，俾煙三文魚嘅味道搶過牛油果嘅味道，整體不過不失。• 老闆絕不妥協𝗖𝗵𝗲𝗲𝘀𝗲 𝗖𝗮𝗸𝗲($𝟱𝟰)：呢道甜品個名
呢間On the Hill Coffee Bar 早早已經係我口袋必去名單嘅其中一員，佢有三間分店，今次我就揀咗去土瓜灣呢間。
鋪頭以白色大理石為主調，一大塊落地大玻璃作為採光，燈光亦夠明亮，整體乾淨舒服，感覺悠閒。
• 𝗡𝗼𝗿𝘄𝗮𝘆 𝗦𝗺𝗼𝗸𝗲𝗱 𝗦𝗮𝗹𝗺𝗼𝗻 𝘄𝗶𝘁𝗵 𝗮𝘃𝗼𝗰𝗮𝗱𝗼($𝟳𝟴)：
早前見過佢哋有另一個三文魚，牛油果同埋青瓜分別都係以切粒形式上嘅Bagel，但今次到訪唔見有，可能近來餐牌有變，只見有呢款「挪威煙三文魚切片＋牛油果蓉Bagel」。個人覺得前者幾有特色，如果真係轉咗而家呢款就較為普通。Bagel係店鋪自家製的，口感唔錯，未到好煙韌，但亦唔會話好難以切開。煙三文魚就做成玫瑰花嘅形狀，雖然唔算好嫩滑，但亦帶有微微煙熏味道，惟牛油果蓉太少，味道唔夠，俾煙三文魚嘅味道搶過牛油果嘅味道，整體不過不失。
Norway Smoked Salmon with avocado
$78
8 views
0 likes
0 comments
• 老闆絕不妥協𝗖𝗵𝗲𝗲𝘀𝗲 𝗖𝗮𝗸𝗲($𝟱𝟰)：
呢道甜品個名非常搞笑，應該係想表達老闆對於呢份Cheese Cake嘅用料同埋味道係絕對唔會妥協嘅意思。皆因呢款Cheese Cake係店主「嘔心瀝血」之作，因為佢想研發一款係品嚐甜吃途中又唔會影響到咖啡味道嘅Cheese Cake，所以呢款Cheese Cake有別一般坊間味道濃厚嘅紐約芝士蛋糕，甜味之中微微帶酸，芝士嘅醇香味適中，質感相當柔軟而細滑，餅底係牛油味濃郁嘅曲奇，蛋糕面上仲有啲焦糖脆脆，兩者鬆化又唔會過硬，成個蛋糕感覺輕盈，食完都唔覺得有膩感，相當好味。
老闆絕不妥協Cheese Cake
$54
12 views
0 likes
0 comments
• 𝗗𝗲𝗹𝘂𝘅𝗲 𝗗𝗶𝗿𝘁𝘆($𝟲𝟴)：
呢度嘅Dirty，實在係我飲過最喜歡的，令我回味無窮。首先外觀，層次相當分明，同普通「髒髒」Dirty有啲唔一樣，亦絕對係飲得出嘅分別。佢哋以自家製提練嘅濃縮牛奶再加入Espersso，Espresso味道香濃帶少少果香，所以第一啖飲落已經有相當香濃嘅咖啡味，第二啖則飲到好香甜嘅奶味，再不停大啖呷，冷暖感交雜，加上牛奶底非常厚實，實在係一種講唔出嘅好飲。如果喜歡Dirty嘅朋友必定要嚟到訪一試，實在會有震驚嘅感覺，但佢哋屬於每日限量供應，亦算係隱藏版款式，如果假日時間可能就要早少少到訪。
Deluxe Dirty
$68
21 views
0 likes
0 comments
• 𝗕𝗹𝗮𝗰𝗸($𝟮𝟴)：
據聞店主其中一個絕不妥協嘅位就係堅持選用Fruity豆，所以佢嘅咖啡都偏果香味重，飲落仲帶少少堅果香，基本正常水準。
Black
$28
5 views
0 likes
0 comments
呢度俾人一種好悠閒嘅感覺，店員親切有禮，而且相信店家對用料同埋咖啡的確有一種「絕不妥協」嘅精神，所以但願呢度繼續「永不妥協」，好讓我可以閒時到訪支持，而且如果同朋友嚟傾偈嘆啡實在係一個好舒服嘅享受，非常推薦大家過嚟。
Post
