紅葉

Open Now

Now Closed

其實紅葉，紅葉餐室，紅葉冰室係咪同一間野黎？個餐牌都差唔多，唔知有無記錯。呢幾排黎多左紅葉食，一家大細坐張卡位真係好迫，通常唔會一次叫晒啲餐同餐飲，無位放呀。但每次加單都比人黑面，啲店員真係好鬼有性格，咁係嘅加單又霸張枱耐啲呀。下午茶嘅豬扒包配沙律係最受歡迎之一，勁多人叫，咁個包有返咁上下大，雜果沙律又幾好味咁。瑞士汁炒牛河就一般啦，基本上無炒過，攞個汁撈一撈就上碟。焗肉醬意粉都幾好，肉醬調味唔錯仲有落香草葉。焗白汁雞扒飯抵食，好大塊扒個飯又有炒底。餐飲有熱奶茶，凍鴛鴦，凍檸茶，幾正常嘅味道。順便講埋，枱面，餐牌，水杯，水壺都黏立立。