王府

Open Now

Now Closed

今日兩個人晏晝出左中環諗住平平哋食午餐，就揀咗呢間餃子店。我哋分別叫咗一碗北京炸醬冷麵以及一碗鮮肉韭菜水餃麵。北京炸醬拉麵賣相吸引，將炸醬、青瓜絲、紅蘿蔔碎以及冷麵攪勻，冷麵隨即沾上青瓜嘅香味，清甜得嚟又唔會太油膩。 另外，既然嚟到水餃店，必定要試吓水餃，我地點左最為普通嘅鮮肉韭菜水餃麵。鮮肉水餃麵嘅賣相平平，湯底較為清淡。水餃皮都唔會太厚，餡料方面有較重嘅韭菜味。 係我哋走嘅時候先至發現原來呢間水餃店係米芝蓮推介餐廳之一，下次如果經過中環又唔想食太貴嘅午餐可以不妨試吓呢一間。