武士拉麵 (Closed)

今日過咗黎九龍灣展貿中心的去星影匯睇戲，睇完戲都成八點，就係到搵下有咩好食。原來九展二樓開咗一條食街既地方，其實係集中咗好多唔同既餐廳，中式日式台灣美食都有，任君選擇。最後我地揀咗呢間人唔太多的日本拉麵店。睇餐牌好多款唔同的拉麵有平有貴，可以加唔同的小食同飲品。本身都想試好有特式的北海道牛乳湯底，最後都係揀咗四國香蔥油湯底拉麵我揀咗普通粗度硬麵，普通濃度湯底，可以見到麵直身乾爽，入口有咬感，充滿小麥味，湯底好濃豬骨味，不油膩半熟流心蛋一流，蛋黃鮮甜，蛋白嫩滑，入口即溶每人加咗一個小食，餃子同芝士炸蝦丸，餃子皮薄餡靚，芝士蝦丸成粒都係芝士餡介紹下呢枝特製魚油，入面真係浸住條魚，澇落碗麵食增加好多香味