台灣郎 (Closed)

我就最愛試新餐廳，雖然去台灣食好近好方便，但係點夠係香港食台灣咁有效率！知道大坑最近開咗間新嘅台灣野，一於約埋朋友試下先～鋪頭唔算好多位，亦都唔少人，即刻就有位，覺得裝潢同餐具都有花心思喎！我地總共叫咗四個菜式，加埋都係百幾蚊一位，大坑黎講算中價喇！秘制小蟶子($78) – 佐酒小食一客，係店員推介我地嘅～因為呢個冷盤有都少少辣，所以唔飲酒嘅我地就有D蝕喇! 但係蟶子數量都算唔少，而且都幾鮮甜，兩三個人食份量岩岩好。高雄夜市蚵仔煎($88) – 呢個蚵仔煎幾有驚喜！雖然佢價錢唔算平，但係佢蠔仔數量好多，食到啖啖蠔嘅感覺，而且煎得好香好出色，係外脆內軟咁樣，蛋味都夠濃，蔥香亦唔會搶咗味，推介～～花蓮小丸子湯($38) – 呢個湯底係用豬骨熬製，都飲得出淡淡嘅豬骨味。豬肉丸勁彈牙，一口一粒，好味～但係入面嘅蘿蔔我就覺得煮得未夠好「林」，如果可以煮入味D，相信會更加好食！招牌台灣紅燒牛肉麵($88) – 食台灣野點可以唔食牛肉麵！呢個牛肉湯底非常濃，非常有牛肉味，而且牛肉、牛根勁多，每舊都大大舊，唔似坊間食店咁勁薄，牛根又好易入口，好味道～個麵質都唔錯啊，我地估計係自家製造… 唯一好好笑嘅係