辦館 (KC100) (Closed)

復活節假去咗葵涌嘅Outlet Shopping，順便搵啲嘢食，Outlet隔離有幢商廈入面有間小清新Cafe，原來係「辦館」嚟，其他地方都有。我哋一於入去食個Early Dinner先🍽。餐廳係採用先付款、後上餐嘅模式，食物就由店員送上。食物選擇比想像中多，不過有部份已經售罄。由於食晚飯，我哋一人叫咗一碟意粉同一杯飲品，再加小食Share☺️。明蝦蒜片辣椒炒意粉($98)，呢碟係朋友叫嘅。炒意粉炒得幾乾身、唔錯，上面有隻辣椒🌶️好吸睛，原來真係辣嘅。明蝦有四隻，每隻都幾大隻同彈牙，有四隻一啲都唔孤寒。蕃茄小龍蝦肉意粉($98)，呢碟就係我叫嘅，因為我鍾意食蕃茄意粉🍝。依碟味道濃啲，我比較鍾意。配料都有幾多下，包括小龍蝦肉、菇菇同洋蔥。各款意粉均配蒜蓉包一客，哈哈但其實一客即係一片🥖，有都好過無嘅...。厚切一口和牛漢堡扒($88)，🐮一口漢堡扒應該係一塊切開四件😂，不過都幾好食，個汁幾惹味。但另外有一個漢堡扒餐可以配埋薯蓉／飯／意粉，比起單獨食件扒更夾。英式鬆餅($20)，配有果醬同牛油，焗得香脆熱辣辣，估唔到感覺幾正宗，味道同好貴先食到嘅酒店港女下午茶差唔多😋。飲品方面，我要咗凍鮮奶抹