就是偏偏喜歡你

Open Now

Now Closed

行完時代廣場想搵野食，上網見到呢間裝飾得美輪美奐嘅餐廳，決定一探究竟。上到餐廳樓層，門口招牌已經係打卡位，真心好靚。入到餐廳，可以選擇花花鳥籠座位，或者花牆旁座位。基本上兩邊位置都各有特色，相機可以出動影唔停。當然打卡影相外，醫肚同樣重要。黑松露野菌忌廉意粉擺盤精緻，忌廉汁香濃creamy，配上香氣獨特嘅黑松露，以及野菌嘅清新口味。整碟意粉味道好豐富，口感有層次，加上意粉彈牙，好味道。菠蘿照燒雞黑漢堡嫩滑雞排，加上菠蘿酸甜口味，以及照燒汁漢堡，味道有層次。漢堡包有烘過，外脆內軟。整體嘅體驗唔錯，四周都係打卡位，食物質素都非常唔錯，同朋友行完街上黎打卡傾下計就啱晒。