渾喆 (Closed)

呢日陪中同fd行兆萬買野，行完當然要去登打士街掃街。我fd見呢間台式野飲舖個名咁有新意，所以停左係度望左幾眼。雖然店舖細細，但選擇應有盡有，14蚊起，價錢合理。係我地望下有咩飲同時，店員好nice咁提議我地試飲。有得試飲，真係幾貼心喎。飲完覺得碳焙烏龍茶茶底吾錯，所以我決定叫黑糖珍珠碳焙烏龍茶。我fd見黑糖珍珠鮮奶18蚊咁抵飲，所以就揀左呢款。個杯都有呢個咁特別有舖名，設計簡約得黎又有特色。黑糖珍珠都有得揀少糖，果然夠體貼。飲落果然吾太甜，怕太甜既朋友都可以揀黑糖珍珠。珍珠Q彈吾死實，真係有D台灣飲既感覺。吸幾粒珍珠再啜啖茶，中和一下黑糖既甜度，做飯後甜品，過下口癮，真係吾錯。