Video
Read full review
2009-01-02
33 views
其實我係睇到雜誌先知道有呢間野, 見0的石鍋菜式好似好吸引, 而且另一間要去到荃灣咁遠先有...所以就同sheep去試下上環新開果間…一去到果個舖位, 見到味千但係見唔到石燒飯果個門面…好奇怪…但係晌門口果個stand度除左見到味千果個餐牌之外, 就係有石燒飯果個牌…左望右望終於見到石燒飯果個門口…..但係封一邊喎~所以我地決定穿過味千咁入去…但係待應將我地安排坐係味千果個區域, 我地懷疑其實味千同石燒飯根本就係同一個集團只係賣唔同既野~分兩個餐牌…我見商場個水牌就係同一個舖位有兩個食肆名…”味千拉麵．石燒飯”…..坐低之後待應只係俾左個味千既餐牌我地~要我地主動叫佢先俾石燒飯果個…有午市套餐…四十幾蚊包湯沙律同飲品…可以選擇鍋飯同鍋烏冬~我揀左我最鍾意食既泡菜豬肉飯~sheep就散叫左一個牛肉烏冬~另外我地再加一個野菜牛肉卷~野菜牛肉卷個汁幾濃, 幾好味~不過食唔出包係裡面既野菜到底係咩?而且六件都係好細件…三十幾蚊又有少少貴咯…泡菜豬肉飯同平時唔同, 因為我以前食開既都係大大塊豬肉同埋泡菜~但係呢度都係碎泡菜同碎豬肉~我覺得都ok~每一啖都食到泡菜同豬肉既味道～另外仲有辣醬可以加埋
坐低之後待應只係俾左個味千既餐牌我地~要我地主動叫佢先俾石燒飯果個…有午市套餐…四十幾蚊包湯沙律同飲品…可以選擇鍋飯同鍋烏冬~我揀左我最鍾意食既泡菜豬肉飯~sheep就散叫左一個牛肉烏冬~另外我地再加一個野菜牛肉卷~
野菜牛肉卷個汁幾濃, 幾好味~不過食唔出包係裡面既野菜到底係咩?而且六件都係好細件…三十幾蚊又有少少貴咯…
泡菜豬肉飯同平時唔同, 因為我以前食開既都係大大塊豬肉同埋泡菜~但係呢度都係碎泡菜同碎豬肉~我覺得都ok~每一啖都食到泡菜同豬肉既味道～另外仲有辣醬可以加埋落去～都幾惹味～有個石鍋保溫, 熱辣辣真係唔錯…..只係食到底部會見到有唔少油~不過我覺得可以接受~
Sheep既牛肉烏冬上到檯依然好熱, 同晌萬豚屋食既有得揮…不過sheep發現叫牛肉唔係太好, 因為個鍋好熱會不停煮, 0的牛肉就好可能會靭…烏冬都幾彈牙…食到一半個烏冬依然好熱…要慢慢食先得…
整體黎講都唔錯, 埋單百三蚊~幾合理…應該會再黎試下其他野~
p.s. 最後埋單發現無論你食味千還是食石燒都是用同一個收銀機收銀既...雖然有兩個店名, 但係我都唔知到底算唔算叫做兩間餐廳啦~
Post
