夏娃 (Closed)

北角食晚餐有乜好選擇？朋友二話不說就介紹我去試下呢一間。二個人去食，叫了德國香腸拼盤同埋德國豬手兩樣野，我朋友飲可樂，而我自己就叫了一杯無酒精啤酒試下，心入面其實諗緊如果叫得做無酒精，咁呢杯野仲係唔係啤酒呢？不過個樣真係呃到人，如果唔講真係唔會知呢杯係假啤酒，下次約朋友黎劈酒先。香腸拼盤入面，兩款細條的都好味，另外的長條維也納腸都好食。我自己覺得佢個豬手最好食，皮夠脆，肉夠嫩，配埋個蜜糖芥辣真係無敵。埋單每人唔洗$200，真心抵。