Video
Read full review
2021-03-06
637 views
當初知道Jenjen Bakery Love呢間蛋糕店係因為睇左個🇹🇼台灣綜藝節目, 節目介紹用生乳做既甜品, 不過就唔係蛋糕, 係三文治。 當時節目主持話用生乳做出來既忌廉, 🥛牛乳味濃, 口感柔滑唔甜膩, 純天然無添加既感覺, 聽得我🤩眼睛為之一亮, 立即上網搵香港邊度有得買生乳甜品, 就係咁發現左Jenjen Bakery Love。香港無幾多間甜品店係聲稱自己用生乳制作甜品, 後來再睇多D資料, 我估因為生乳係台灣專用既名字吧, 香港唔會咁叫, 香港應該就咁叫鮮奶。Jenjen Bakery Love其實係一間主打🍵茶類捲蛋的小店, 但因為想當初我係好想食生乳甜品先認識佢, 所以一心都係想買佢既生乳卷, 好開心真係買到 (之前其實已經有買過一次, 買唔到生乳卷, 買左芝麻花生醬口味, 不過嗰次我病左, 食唔落)。低卡芝芝莓莓生乳卷 - 咬落去第一個感覺係蛋糕非常有🥚蛋香, 質地軟綿細密, 係比較有口感有存在感既嗰種。再黎係原味同🍓士多啤梨忌廉, 首先, 忌廉同蛋糕比例分配平均, 佢地同樣都係主角, 然後士多啤梨忌廉酸甜味道調較得剛好, Jenjen Bakery Love既忌
Jenjen Bakery Love其實係一間主打🍵茶類捲蛋的小店, 但因為想當初我係好想食生乳甜品先認識佢, 所以一心都係想買佢既生乳卷, 好開心真係買到 (之前其實已經有買過一次, 買唔到生乳卷, 買左芝麻花生醬口味, 不過嗰次我病左, 食唔落)。
低卡芝芝莓莓生乳卷 - 咬落去第一個感覺係蛋糕非常有🥚蛋香, 質地軟綿細密, 係比較有口感有存在感既嗰種。再黎係原味同🍓士多啤梨忌廉, 首先, 忌廉同蛋糕比例分配平均, 佢地同樣都係主角, 然後士多啤梨忌廉酸甜味道調較得剛好, Jenjen Bakery Love既忌廉係較輕身🪶無負擔既嗰種, 細滑而充滿奶香。而卷蛋上面既芝士🧀奶蓋更有畫龍點睛既效果, 令層次更豐富。
整個蛋糕比我既感覺就係食緊食物既原味道, 新鮮既食材, 適當剛好既🧂調味, 完全感受到店主的誠意用心。最欣賞佢不時就會轉換不同款式, 隨著🎃🎄🧧節日和時令作出不同變化。
Post
