囍源古早蛋糕 (Closed)

朋友介紹呢間古早蛋糕唔錯，黎開深水埗呢頭就順便買返屋企食下。蛋糕夠晒正宗，用上低溫烘焙，所以蛋糕食落好鬆軟，唔會燶邊燶底，而且低糖少油，感覺健康點。.另外，蛋糕的口味竟然有成100多款揀，每日會有10多款現貨口味；如果有特定口味想食，重可以早點同蛋糕店預訂。最方便係有外送服務，下次買都方便d。.班蘭味 估唔到呢個班蘭味古早蛋糕咁出色，食落真係同新加坡旅行買嘅班蘭蛋糕味道好似。原來店家用上大量班蘭葉，經繁複工序製成，難怪顏色甘鮮艷，食落斑蘭味又甘濃。.咖啡合桃味用上UCC咖啡粉製作，咖啡味夠香濃，而且入邊仲有d合桃粒粒，食落口感豐富。