淼屋 (Closed)

公司附近新開居酒屋，一個人食飯簡簡單單，就點咗個蒜香雞皮炒支豆，黑白唐揚炸雞同A5和牛壽喜燒。支豆經過蒜香同雞皮爆炒，未食聞到已經流口水，雞皮同蒜嘅味道亦都冇冚過支豆，仍然保留淡淡嘅豆香，送酒一流。主菜嘅炸雞分別淋上兩款黑白唔同嘅芝麻醬，炸雞外脆內嫩分量充足。最後嘅和牛壽喜燒牛肉入口即化，配菜鮮甜。餐廳整體唔係好大，但我幾鍾意佢有個露臺仔。整體嚟講值90分以上可以一試。