MEMOIR (Closed)

Memior位於登龍街，係樓上既西餐廳黎。餐廳既位置闊落，牆上既裝飾、menu等處處呼應餐廳既名，設計非常有心思。加上昏暗既燈光同埋浪漫既音樂，非常適合情侶黎撐檯腳。✨日本廣島蠔燴意大利飯上面有四、五隻非常肥美既廣島蠔，勁吸引！一直覺得燴意大利飯好容易好滯，但係呢個燴意大利飯吸收哂蠔既湯汁，食落好鮮味，唔會覺得好漏。而意太利飯亦煮到啱啱好，唔會太硬但又保持到口感！蠔非常嫩滑，蠔味夠濃，味道鮮甜，加埋啲三文魚籽，更加鮮味！✨燒西班牙乳豬配蘋果蓉西班牙大大啖肉，咬落超多肉汁，最正既係佢個外皮，真係焗到好似薯片咁脆。中式既乳豬通常比較肥，但係呢到唔會，唔怕食到成口油。而配菜既蘋果蓉果味香濃，甜甜地咁，夾埋乳豬食唔單止減輕左油膩感，仲令成道菜感覺更清新！