栢檔極品海南雞飯 (Closed)

商場低調抵食餐廳，荃灣之天橋之都，行到去荃新天地一期地下電梯一落就是，橙黃青主色系logo tone既裝修，非常光猛乾淨。職員好有禮貌，介紹佢地出名既海南雞，本身諗住嗌一隻，但佢見地兩個女仔未必食得晒，建議我地分開嗌兩個餐仲好，又平d又可以試多d，超級好！最後更平既價錢可以嗌到一台都係，滿足~栢檔海南雞飯 $64海南雞係雞胸同雞翼部位，雞胸都好嫩滑，啖啖肉有雞味，點埋佢嗰三個醬一齊食仲滋味，配埋油飯，油香四溢，一個字: 正肉骨茶配白飯$64估唔到呢度幾十蚊就有肉骨茶食，都幾多排骨，分俾朋友試都得，啲肉煲得好淋好嫩滑，一咬成舊骨就出咗嚟，個湯充滿藥材味，有龍眼肉，淮山等，好足料，豆腐卜索晒湯汁，送飯一流香麻辣鳳爪$28無骨鳳爪，睇個樣都見到好入味，食落有陣陣麻香，但又唔會好辣，唔食得辣嘅都可以一試時菜$18加多個菜，蠔油另上，$18好大碟好抵食加$14仲可以有特飲。荃灣低調扺食舒服之選！一定要黎試下。