健康食品拉麵 (威利大廈)

Open Now

Now Closed

健康拉麵位處排檔後方，藏於小巷的一角，係一間極為低調嘅日本拉麵店。記得第一次幫襯見門面及牌坊好簡陋，以為係一個伏，入內見日藉老闆(起初以為佢係侍應)幫手落單，格局又似和式居酒屋，可謂放心叫野食，點知就一試難忘。再度光臨健康食品拉麵，質素依然保持水準。拉麵有辣有唔辣，基本野自選包括麵條粗幼、質感、香油、蒜蓉及蔥等。食肉獸嘅關係，無點雜菜健康拉麵，揀左流心蛋豬骨拉麵，盛惠80蚊。豬骨湯入口唔濃稠較為清淡，流心蛋一般般，而硬身粗拉麵食落似食蕎麥麵咁正，配合波菜呢個健康食材，加埋肥瘦均勻嘅火焰薄叉燒，拉個平衡，好好食。食呢度拉麵仲係因為氣氛夠和風，試諗下周圍係日本人嘅拉麵店，同周圍係旅客拖gip嘅拉麵店，邊個你會想去多d?另外有叫關東煮，味道偏咸，應該係用黎佐酒食。