幸腹滿屋日本料理 (Closed)

係荔枝角住左幾年～平時想食日本野都係去aeon買黎食～經住附近朋友介紹～黎試下呢間幸腹滿屋～地點係香工前少少～一入餐廳門口職員就問我係唔係呢棟大廈職員～想食野～大家知道答案喇～入面裝修都幾日式～有個壽司吧檯～個司傅望落去好似好專業咁～直望望到埋個廚房～個廚房都好乾淨企理～Menu野食好多都好吸引～好多都想食～揀左個龍蝦沙律～好味～似食龍蝦包d料咁～但我覺得咸左少少～叫左份三文魚刺身～勁厚切～一個人食左三舊～有d漏～仲叫左個蟹肉燒餅～唔覺有蟹肉～味道一般～唔會再食～又叫左特上吞拿魚腩壽司～對呢個最大期望～但上到檯有d失望～一黎塊葉唔知點解好似好多水漬咁～二黎d顏色好暗淡～勁似一舊生既肥豬肉咁～食落味道係好食既～多油脂到我嫌舊飯細得滯但舊魚腩居然有d筋～扣左分！怕唔夠飽～叫多份雞軟骨食～即炸～好味～總括都係好食既～但可能期望太高～因爲係朋友介紹～所以有dd失望～但我相信我一得閒想食日本野都會黎食~