龍亭

同屋企人好耐無食鐵板燒，今日去佐敦試下，餐廳位置係好多人排隊嘅甜品店隔離，好容易搵到我地叫左季節限定嘅鐵板燒套餐，包含左7道菜，係開始食之前，都有同我地簡介下有咩食，有咩揀👍1️⃣沙律🥗沙律係煙三文魚沙律，伴碟有意大利黑醋汁、新鮮沙律菜、車厘茄同埋龍珠果，煙三文魚上面仲有魚子醬點綴，口感豐富2️⃣前菜蘭王蛋伴松露魚子醬攪勻咗一齊食，可以食到濃郁嘅蛋香味，加上松露魚子醬，鹹鹹香香，係一個好味嘅前菜3️⃣海鮮當日海鮮有5款選擇，包括鮑魚、扇貝、帶子、小青龍同埋東星斑，我揀左鮑魚同扇貝，扇貝用左牛油同黑松露去剪香，食落香口，肉質柔軟。鮑魚用左自家製蒜蓉醬，同坊間嘅唔同，有蒜蓉香味，調味又唔會太濃，能夠突出鮑魚鮮味👍伴碟仲有蝶豆花海鹽泡泡，能夠更加突出海鮮鮮味❤️4️⃣澳洲牛柳粒肉我揀左澳洲牛柳,揀左七成熟，但係廚師整得好好，完全唔會太熟，牛柳食落好軟，牛味濃郁，師傅建議點埋竹炭鹽、Wasabi同埋蒜片一齊食，令到牛味更加出，好夾👍5️⃣菊花豆腐白麵豉湯呢個糖好清甜，好好味，仲有切左一條條嘅豆腐絲，我成碗飲曬6️⃣黑松露海鮮炒飯呢個海鮮炒飯好正，材料好豐富，有蘭王蛋、蝦、三文魚籽、黑松露醬等，炒飯炒到粒粒分明，食落乾爽