低調高手大街小食

Open Now

Now Closed

大隻仔今次覓食嘅店舖就係💥 低調高手大街小食 💥 街頭小食除咗燒賣、魚蛋之外，有港版窩夫之稱嘅「格仔餅」同「雞蛋仔」都係十分有代表性。格仔餅、雞蛋仔變化多端，除咗有不同餡料，更加可以加雪糕變成Cafe嘅主要食物之一。大隻仔今日介紹呢間餐廳就係非常出名食「雞蛋仔」同「格仔餅」，睇個名都知勁「低調高手」。😂😂⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 原味格仔餅 $24不論雞蛋仔、格仔餅都係即叫即製，保證每一件都熱辣辣，製作需時大概10分鐘左右。格仔餅餡料有牛油、花生醬、煉奶、砂糖。由於格仔餅十分熱辣辣，所有餡料已經溶化成一體，而且比例啱啱好，唔會有一樣餡料特別蓋過另一樣。格仔餅外脆內軟，餡料夠多，每一啖都會食到餡料嘅味道，而且多到流晒出嚟，係一件好好味嘅格仔餅。😋😋不過如果要挑剔嘅話，所用嘅麵粉比較一般，會食到有少少麵粉既「罕味」。