Video
Read full review
2019-09-16
35 views
應該好多人都有聽過喺香港食百碟宴，排場誇張又搶鏡嘅京川滬菜。今次同另一個朋友去食日喜樓，但係因為百碟宴最少都要6或者12位，所以我哋今次就選擇咗同樣好好味既散叫菜式🥰日喜灌湯小籠包 ($74)我係一個徹頭徹尾嘅小籠包控，只要有小籠包嘅地方就有我。黎到日喜樓當然都唔例外， 因為我覺得係上海菜嘅地方試小籠包就可以分辨到間餐廳嘅水準。小籠包一共有四隻，老實講我可以自己食晒一籠😂小籠包皮薄到晶瑩剔透，可以望得到裏面啲湯等緊我將小籠包咬開，然後就會好似洪水氾濫出嚟，掩蓋我嘅味蕾！小籠包肉好粉嫩，肉質唔會好鬆散，亦都唔會好結實，中和之道大概就係咁嘅意思。😇黃金蝦球 ($188)同行嘅朋友好鍾意黃金乜乜乜，於是我哋就叫咗黃金蝦球，其實呢味餸都係我同佢每次去餐廳一定會食嘅。蝦球好大隻，就算只係得蝦肉嘅部份都有我手掌心嘅大。一咬入口蝦肉彈牙度十足，可以想像到日喜樓用咗非常新鮮，仲識游水嘅活潑生猛虎蝦，甚至乎係更加大隻嘅蝦！黃金脆皮好薄，絕對唔會有一舊粉凝固而影響口感。爆汁牛肉餡餅 ($48)顧名思義就知道呢個牛肉餡餅來頭並非一般，大家真係要小心食，而且要攤涼少少先食，因為一咬開牛肉餅，啲牛肉汁就會噴出嚟
應該好多人都有聽過喺香港食百碟宴，排場誇張又搶鏡嘅京川滬菜。今次同另一個朋友去食日喜樓，但係因為百碟宴最少都要6或者12位，所以我哋今次就選擇咗同樣好好味既散叫菜式🥰
日喜灌湯小籠包 ($74)
我係一個徹頭徹尾嘅小籠包控，只要有小籠包嘅地方就有我。黎到日喜樓當然都唔例外， 因為我覺得係上海菜嘅地方試小籠包就可以分辨到間餐廳嘅水準。小籠包一共有四隻，老實講我可以自己食晒一籠😂小籠包皮薄到晶瑩剔透，可以望得到裏面啲湯等緊我將小籠包咬開，然後就會好似洪水氾濫出嚟，掩蓋我嘅味蕾！小籠包肉好粉嫩，肉質唔會好鬆散，亦都唔會好結實，中和之道大概就係咁嘅意思。😇
黃金蝦球 ($188)
同行嘅朋友好鍾意黃金乜乜乜，於是我哋就叫咗黃金蝦球，其實呢味餸都係我同佢每次去餐廳一定會食嘅。蝦球好大隻，就算只係得蝦肉嘅部份都有我手掌心嘅大。一咬入口蝦肉彈牙度十足，可以想像到日喜樓用咗非常新鮮，仲識游水嘅活潑生猛虎蝦，甚至乎係更加大隻嘅蝦！黃金脆皮好薄，絕對唔會有一舊粉凝固而影響口感。
爆汁牛肉餡餅 ($48)
顧名思義就知道呢個牛肉餡餅來頭並非一般，大家真係要小心食，而且要攤涼少少先食，因為一咬開牛肉餅，啲牛肉汁就會噴出嚟。如果大家着咗白色衫，建議大家一咬落去嘅時候唔好咬得太深，輕輕咬一個窿係個包度，然後慢慢啜啲肉汁出嚟，最後先連包帶肉咁大大啖食🤤
蜜汁火方 ($148)
呢個係口感層次享受，點解呢？因為每一片好似饅頭質地既夾包，可以放入一片浸左蜜汁既金華火腿，以及一片脆炸薄春卷皮。一放入口有軟熟既夾包、又甜又咸既火腿，脆脆薄片，所以口感一次過衝擊口腔，好得意，新奇得黎又好夾。☺
其實說到底，都係好想有機會試下個馳名招版百碟宴🤩
Post
