Quattro's Kitchen (Closed)

成日行太古 Aeon 都淨係知最下面有餐廳，原來上面都有。其中一間係3樓，感覺頗低調，可能行過你都未必會留意到。裡面環境幾舒服，主打扒類，提供的套餐選擇選擇都幾豐富。先飲龍蝦湯，味道濃稠，送上熱辣辣的牛油餐包，還帶點脆口，無期望卻有驚喜。巴馬火腿配水牛芝士火箭菜沙律 $108呢個沙律以為開開胃，原來份量都幾大，食極都有，酸醋開胃，亦飽肚。燒紐西蘭羊架配薑味甘筍蓉 $288羊架質素幾好，肉嫩又有羶香味，而且啖啖肉。要試吓薑味甘筍蓉，啖啖薑味配羊架另有一番風味。香煎比目魚配滕椒牛油忌廉汁 $238比目魚魚皮香脆又厚肉，先加少量青檸汁，再試試滕椒牛油忌廉汁，提鮮的效果更佳。