39
21
20
Level2
7
0
低質素服務
2015-03-29 834 views
同老公、老媽子去完寶福大酒店，出返大圍食晚餐，因唔熟架步就求其去一間中菜，諗住拿拿淋食完返屋企。環境：普通中菜館，啲餐具幾精緻，但地方唔算十分乾淨，座位都唔算太迫，但檯與檯之間就唔太多位行，如果推BB車應該有難度。服務：我哋响門口等咗6-7分鐘，見到入面明明有張4人檯，個樓面都唔畀我哋入去，話要等另一張啲客走咗先，我哋見嗰檯好似都未想走，咁就話不如索性過隔離食日本菜，佢一聽到就即刻叫返我哋話有位啦，另一張唔畀我哋坐因為大風喎……食物：每人叫一款，我當然要叫素啦，蕃茄煎豆腐，兩款非常普通的食材，加埋又幾好味喎，老媽子話甜咗啲，估計落多咗糖，我就比較鍾意甜，所以覺得剛剛好。老公叫咗菜圃肉碎煎蛋，個樣睇落好油；老媽子叫魚雲，賣相OK。不過，啲食物都出得幾慢，等咗超過20分鐘先出第一道菜。三道小菜，埋單齊頭$300，都幾貴，我畀張$500佢，另外拎咗幾蚊散銀諗住當小費，不過我有心想睇吓佢會點找錢，所以先唔畀散銀，淨係畀咗張$500。我心諗，服務有質素嘅地方，應該找兩張$100，如果客人有心畀小費自然會另外畀散銀。結果，佢哋將其中1張$100打散咗，變成$50+$20+$20+$5+$2+$2+
Read full review
同老公、老媽子去完寶福大酒店，出返大圍食晚餐，因唔熟架步就求其去一間中菜，諗住拿拿淋食完返屋企。
環境：
普通中菜館，啲餐具幾精緻，但地方唔算十分乾淨，座位都唔算太迫，但檯與檯之間就唔太多位行，如果推BB車應該有難度。
服務：
我哋响門口等咗6-7分鐘，見到入面明明有張4人檯，個樓面都唔畀我哋入去，話要等另一張啲客走咗先，我哋見嗰檯好似都未想走，咁就話不如索性過隔離食日本菜，佢一聽到就即刻叫返我哋話有位啦，另一張唔畀我哋坐因為大風喎……
食物：
每人叫一款，我當然要叫素啦，蕃茄煎豆腐，兩款非常普通的食材，加埋又幾好味喎，老媽子話甜咗啲，估計落多咗糖，我就比較鍾意甜，所以覺得剛剛好。老公叫咗菜圃肉碎煎蛋，個樣睇落好油；老媽子叫魚雲，賣相OK。不過，啲食物都出得幾慢，等咗超過20分鐘先出第一道菜。
蕃茄煎豆腐
53 views
0 likes
0 comments
 三道小菜，埋單齊頭$300，都幾貴，我畀張$500佢，另外拎咗幾蚊散銀諗住當小費，不過我有心想睇吓佢會點找錢，所以先唔畀散銀，淨係畀咗張$500。我心諗，服務有質素嘅地方，應該找兩張$100，如果客人有心畀小費自然會另外畀散銀。結果，佢哋將其中1張$100打散咗，變成$50+$20+$20+$5+$2+$2+$1，我作為客人收到呢堆散紙其實都幾無癮，於是我叫佢換返2張$100畀我，我另外畀小費佢。
學我老公話齋，間嘢唔係特別好服務，個收銀全程坐出嚟食嘢，有單打時又好不情願咁返入去打，仲好意思問拎小費。今時今日出街食飯係買一種體驗，好食固然重要，但服務先係致勝關鍵。
所以呢間，都應該無下次啦。
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2015-03-28
Waiting Time
8 Minutes (Dine In)
Spending Per Head
$100 (Dinner)
Recommended Dishes
蕃茄煎豆腐