聯合興食館

Open Now

Now Closed

好多時同D波友係樂富踢完波都會嚟LEE度食宵夜，吹下水講返場波，潮州打冷基本上我哋個個都啱食，近近地的確係好選擇。LEE度唔算難搵位，大枱細枱都有，啱晒我哋，人多D都唔怕。雖然今日只得幾個人，襯記得影咗相介紹下先：滷水什錦拼盤：LEE度同平時食開有D唔同，佢無鵝件，但有牛百葉，即煮熱的，味道唔會太鹹，除咗牛百葉，仲有，紅腸，墨魚，鵝腸，鹵蛋，豆腐等等…　講開豆腐，好入味，正！蠔仔粥：都算乾淨，無砂無殼，全窩清晒，湯都無淨。蠔餅：炸得好鬆化，算多蠔仔肉，雖然有D熱氣，都忍唔住食完再食。筍殼：第一次點，朋友介紹話好正，堅嘅，真係炸得好香口，但係食到魚肉，好熱，好甜，下次會再叫。魚香茄子煲：有D油膩，不過煲仔菜+上茄子，又確係好難唔油嘅，就算飲啤酒清下都食唔晒，不過佢LEE度嘅煲仔都算唔差。整體嚟講，LEE間打冷係唔錯，有獲氣，全部餸都好熱，上菜超快，快… 我最LIKE，仲想介紹下，今次無叫，上次食過炸大腸，夠脆夠熱夠香口，必食，不過今次唔係個個都食內臟，真可惜。