Chill 輕食300kcal

Open Now

Now Closed

疫情過後大家都着重咗健康同運動 ，呢排食得太豐富肥左幾磅， 今日跟個keep 開fit嘅朋友嚟到荔枝角食返餐健康有營養嘅午餐， 呢間餐廳Chill輕食300kcal, 位於荔枝角GLOBAL GATEWAY TOWER, 播住輕音樂恬靜舒適，佢哋嘅菜式都係好健康有營養, 如果唔鍾意食肉嘅 仲有素食餐單, 今日我哋叫咗兩個素食嘅餐， 香煎素小牛排， 吉列素魚扒，配紅米飯或蕎麥麵， 每個套餐都會附送 沙律 同排毒爆脂茶。未食主食之前我哋首先飲咗蛋白杯， 有好多味道選擇， 我揀咗芒果味飲品入面仲加咗其他配料， 有清新嘅果香又唔會過甜。一直以嚟我錯覺健康餐即係烚蛋烚雞肉同冇味菜， 今日呢間餐廳令我好有驚喜 ，原來健康素食都可以色香味齊全， 好味之餘全個餐都唔超過300個kcal， 我食嘅係吉列素魚扒， 素魚扒煎得香口酥脆， 蕎麥麵麵質爽口彈牙，伴菜嘅南瓜都煮得好惹味。