珍心素食豆漿豆腐花專門店 (Closed)

工作路過旺角，原本想午餐隨便解決就算，路過到呢間素食店，因為未試過自己一個人入素食店的，所以就試試新意思。一般餐廳套餐都是包飲品的，但這裏可選的是豆漿，豆腐花，餐湯，糖水，檸檬汁飲品，頗特別。我點了猴頭姑飯套餐，醬汁還有三款可以選擇，分別是鮮茄汁，燒汁和黑椒汁。飯量唔算多，講求健康食到7分飽其實飯量係夠嘅，餸菜好有屋企感覺，只係多左個醬汁淋面。開始感受到天氣秋涼，店員提議點個雪耳薏米糖水滋潤下，一於試下啦！佢係杯上，感覺同平時茶餐廳熱飲一樣，只係多左啲配料，又唔錯喎，更方便飲用。