妙語牽 (Closed)

早排去開九龍灣行街，晚飯時間周圍都要排隊，帶住偽韓仔又唔係樣樣都食得架嘛！我地去左新開既妙語牽 ，佢係主打藥膳湯品，真係岩晒偽韓仔既河車，佢勁鍾意飲湯架！佢地既湯同飯都冇加味精，唔會食完好口渴，我都勁放心比呀仔飲！味道唔會因為咁樣而淡而冇味，好鮮甜，係家的感覺😍我地叫左兩個餐，分別係淮山蓮藕配宮廷養生鴨+天麻川弓白芷魚頭湯，同埋瑤柱蛋白炒飯+椰子雪耳響螺烏雞湯 ！我就比較喜歡個炒飯，粒粒分明，仲好多瑤柱🤤湯就兩個都好好飲，呀仔自己都飲大半碗👍🏻同場加映，店入面仲有台灣製既茶系列面膜，我初時以為係茶包黎😅