Video
Read full review
2018-06-20
65 views
平時都會聽好多人去食私房菜，但我自己真係未試過。 今次咁啱有朋友介紹食私房菜，好啦， 我嘅私房菜第一次就交畀私家廚房啦！店舖位置好方便，係油麻地地鐵站一出唔使一分鐘就到喇。 上到樓上嗰感覺好好喎，好似成層都係私家廚房架。每一枱都好似自成一角咁，好有私人空間，一家人嚟食飯會覺得好warm，好有家既感覺餐牌有好多嘢食選擇，好多唔同種類既中式菜。有啲特別菜式就需要預訂，咁我哋呢啲冇預訂嘅就揀番平時嘅撚手菜啦燒汁脆米安格斯牛粒 呢個係朋友推介嘅，話不可不食喎。果然冇令我失望，個餸嘅口感非常特別！係平時食開嘅牛肉粒上面加咗脆米，口感別有一番風味！安格斯牛肉粒充滿牛香，加上脆米脆卜卜，感覺外脆內軟，配埋燒汁，呢個配搭簡直冇得頂海皇賽螃蟹賽螃蟹畀人嘅感覺平時淨係上海菜先有得食。好開心今日係私房菜都可以食到賽螃蟹呀！蛋白炒得好嫩滑， 中間亦都有一隻蛋，撈埋嚟食，真係超滑！！再點少少醋，味道更加提升，好好好味呀！！ 除左好滑既蛋白外仲有得食埋海鮮，滿足晒我既味蕾丫另一道嘅撚手菜，撚手木桶藥膳豬手我畀呢個招牌菜入面嘅藥膳吸引住，本身好鍾意食藥膳嘅菜式，今次見到當然唔會放過啦！！藥膳湯味道好濃郁，完全感受到
店舖位置好方便，係油麻地地鐵站一出唔使一分鐘就到喇。
上到樓上嗰感覺好好喎，好似成層都係私家廚房架。每一枱都好似自成一角咁，好有私人空間，一家人嚟食飯會覺得好warm，好有家既感覺
餐牌有好多嘢食選擇，好多唔同種類既中式菜。有啲特別菜式就需要預訂，咁我哋呢啲冇預訂嘅就揀番平時嘅撚手菜啦
燒汁脆米安格斯牛粒
呢個係朋友推介嘅，話不可不食喎。
果然冇令我失望，個餸嘅口感非常特別！
係平時食開嘅牛肉粒上面加咗脆米，口感別有一番風味！安格斯牛肉粒充滿牛香，加上脆米脆卜卜，感覺外脆內軟，配埋燒汁，呢個配搭簡直冇得頂
海皇賽螃蟹
賽螃蟹畀人嘅感覺平時淨係上海菜先有得食。好開心今日係私房菜都可以食到賽螃蟹呀！蛋白炒得好嫩滑， 中間亦都有一隻蛋，撈埋嚟食，真係超滑！！再點少少醋，味道更加提升，好好好味呀！！ 除左好滑既蛋白外仲有得食埋海鮮，滿足晒我既味蕾丫
另一道嘅撚手菜，撚手木桶藥膳豬手
我畀呢個招牌菜入面嘅藥膳吸引住，本身好鍾意食藥膳嘅菜式，今次見到當然唔會放過啦！！藥膳湯味道好濃郁，完全感受到師父嘅真材實料 配埋每舊啖啖肉嘅豬手，口感十分豐富！！ 食完感覺骨膠原充足，皮膚都彈咗潻呀 ！哈哈
最後有個驚喜呀，老闆仲送咗水果畀我哋。
係新鮮菠蘿嚟㗎，好甜好新鮮！食飽飽之後仲有飯後水果，呢餐真係超級滿足！！
Post
