Video
Read full review
2018-11-21
684 views
雖然呢間食店其貌不揚，座落喺新蒲崗工廠區内，無裝修又無環境，價錢與同區食店比較也沒有特别便宜。但賣的卻是店主誠意嘅住家飯，以及極具人情味嘅招待，將舊式工廠食堂嘅親和特色發揮到淋漓盡至。我經常向店主説 “我好欣賞你D飯同湯都係自己親手煮”。呢句説話看似充滿語病，但真意是指佢哋每一碟飯及餸都是落單後，立刻煮给食客享用。而例湯卻煲得像家裡的老火湯般入味夠火候，尤其食客至愛的西洋菜湯，喝一口已令人有心暖的感覺。講嚟講去，不得不介绍我的至愛 “洋葱豬扒飯”，不要小嘘這碟看似普通不過嘅碟頭飯。其實洋蔥汁係用新鲜洋蔥同醬油即炒，每次都即叫即炒，熱辣辣香噴噴，與其他食店用煮定嘅汁淋上去的確有好大分别，此店用的豬扒好新鲜，D肉唔會覺得“鞋”，食落好鲜嫩有肉汁。中午飯市時，就喺舖内中央位置即炒飯餸，好有鑊氣。如果唔想食飯或食得太飽，可以選擇常餐，食材質素很高，可以揀雞中翼，即食麵用的湯頭都與别不同。套餐還配上煎蛋、午餐肉及多士，午餐肉煎得恰到好處（我最怕食唔煎嘅午餐肉，與食死肉無分别），多士烘得很香。總結一間食店既無環境，地點又唔就腳，價錢比其他同區食店也不是特别便宜，但仍然座無虛席，午市時客似雲來，當中
我經常向店主説 “我好欣賞你D飯同湯都係自己親手煮”。呢句説話看似充滿語病，但真意是指佢哋每一碟飯及餸都是落單後，立刻煮给食客享用。而例湯卻煲得像家裡的老火湯般入味夠火候，尤其食客至愛的西洋菜湯，喝一口已令人有心暖的感覺。
講嚟講去，不得不介绍我的至愛 “洋葱豬扒飯”，不要小嘘這碟看似普通不過嘅碟頭飯。其實洋蔥汁係用新鲜洋蔥同醬油即炒，每次都即叫即炒，熱辣辣香噴噴，與其他食店用煮定嘅汁淋上去的確有好大分别，
此店用的豬扒好新鲜，D肉唔會覺得“鞋”，食落好鲜嫩有肉汁。
中午飯市時，就喺舖内中央位置即炒飯餸，好有鑊氣。
如果唔想食飯或食得太飽，可以選擇常餐，食材質素很高，可以揀雞中翼，即食麵用的湯頭都與别不同。
套餐還配上煎蛋、午餐肉及多士，午餐肉煎得恰到好處（我最怕食唔煎嘅午餐肉，與食死肉無分别），多士烘得很香。
總結一間食店既無環境，地點又唔就腳，價錢比其他同區食店也不是特别便宜，但仍然座無虛席，午市時客似雲來，當中必定有其生存之道，市場早已反映其價值。顧客嘅眼睛永遠係雪亮的！
Post
