Video
Read full review
2015-08-12
1057 views
已經食過呢間鋪頭好多次。決定為佢寫番個食評。第一次入去果陣仲係度諗：「間鋪頭咁up dup，又一個客都冇，會唔會唔好食。。。」但係食過一次之後，真係番唔到轉頭！要睇一間米線鋪得唔得，緊係要試下佢d湯底啦。所以第一次我就叫左麻辣中辣。米線仲未上枱，已經有一陣好香既黑椒味同辣椒味飄過泥～試埋湯底之後，發覺佢既湯底真係好足料，好多原粒黑椒，好香！唔單止湯底，其他配料都好足，成個碗面都係芽菜。而且米線好滑，唔係交行貨。當我食左半碗之後，我發現碗米線好似仲辣左，再食多半碗，又辣左D。原來佢D辣係會一浸一浸咁辣落去，愈來愈有層次，愈食愈出得多汗！食左半碗之後，個口已經有少少麻，食哂成碗之後個口已經麻哂，鼻水係咁流，但最犀利既係，個湯仲係熱既，你會想飲哂成個湯底！食哂成碗之後，個人會好熱好慶，個胃會有少少翻騰，但係仲係好懷念碗米線既味～好想Encore！去多左幾次之後，發現除左米線，佢地既餃子（椰菜／韮菜餡）都好好食！個皮好薄，而且餡好足，應該係店家自己包。而且只係賣23蚊，就已經有餃子有米線，個價錢好似時光倒流去到10年前咁，真係好鬼抵！！為左對呢間小小的隱世小店表示支持，雖然我住九龍東，但一個星
第一次入去果陣仲係度諗：「間鋪頭咁up dup，又一個客都冇，會唔會唔好食。。。」但係食過一次之後，真係番唔到轉頭！
要睇一間米線鋪得唔得，緊係要試下佢d湯底啦。所以第一次我就叫左麻辣中辣。米線仲未上枱，已經有一陣好香既黑椒味同辣椒味飄過泥～
試埋湯底之後，發覺佢既湯底真係好足料，好多原粒黑椒，好香！唔單止湯底，其他配料都好足，成個碗面都係芽菜。而且米線好滑，唔係交行貨。當我食左半碗之後，我發現碗米線好似仲辣左，再食多半碗，又辣左D。原來佢D辣係會一浸一浸咁辣落去，愈來愈有層次，愈食愈出得多汗！食左半碗之後，個口已經有少少麻，食哂成碗之後個口已經麻哂，鼻水係咁流，但最犀利既係，個湯仲係熱既，你會想飲哂成個湯底！食哂成碗之後，個人會好熱好慶，個胃會有少少翻騰，但係仲係好懷念碗米線既味～好想Encore！
去多左幾次之後，發現除左米線，佢地既餃子（椰菜／韮菜餡）都好好食！個皮好薄，而且餡好足，應該係店家自己包。而且只係賣23蚊，就已經有餃子有米線，個價錢好似時光倒流去到10年前咁，真係好鬼抵！！
為左對呢間小小的隱世小店表示支持，雖然我住九龍東，但一個星期都會去２次到，已經食到店主認得我，有時仲講下笑～好有舊區既人情味～！店主已經上左年紀，不過希望佢會一直同老闆娘做落去，因為第二到真係食唔到咁有風味既雲南米線！
Post