Plato Cafe & Bistro (吳松街)

餐廳裝修簡約，木系枱櫈，暖色燈光，令人感到舒適和放鬆。餐牌可選二人套餐或晚市套餐，仲有All Day Breakfast和多款特色意式食品，包括Pizza、Burger、Risotto、Pasta、咖啡等。我哋揀既精選二人套餐，有齊餐湯、前菜、主菜、意大利飯或意粉、甜品、飲品。南瓜忌廉湯：南瓜湯口感幼滑，濃稠適中。日式天婦羅魷魚：外皮呈金黃色，香口酥脆，配上海苔粉和沙律醬，倍添惹味。炭燒澳洲肉眼牛扒：牛扒燒得好香，牛味濃郁，肉質軟嫩，帶適量油花；焗薯面層既煙肉相當脆口，沾上沙律醬，味道更出色。北海道帶子松露野菌扁意粉：北海道帶子肉質細嫩，散發鮮甜味道，意粉很掛汁，沾滿松露醬既香氣。日式芝士蛋糕： 芝士蛋糕香軟幼滑，口感綿密，濃郁芝士味。總結，食物製作用心，份量恰到好處，性價比高。