小酒窩餐廳

Open Now

Now Closed

突然想食異地菜，呢間餐廳一直想幫襯，有哂理由去食啦。因為時間尚早，入座至埋單都冇其他客人，結果包場。餐前小食係脆餅，香口微辣，點豆蓉醬口感清新。Mango Lassi（$52）酸酸甜甜，少許奶味。Chocolate Thickshake（$52）朱古力味唔太重。Butter Chicken（$125）特色奶油雞，酸甜辣，勁適合撈飯或者配烤餅。雞件冇骨酸酸甜甜啖啖肉（應該係雞脾肉）。Garlic Naan（$32）香蒜烤餅，即烤熱辣辣，蒜味好香，烤餅微脆。淨食或者撈汁都一流。Lamb Kabeb（$122）羊肉烤餅，份量頗大。烤餅皮厚薄適中，包住大量蔬菜同羊肉。蔬菜有蕃茄、紫洋蔥、生菜。羊肉軟腍，有好少騷味，而且肉嘅份量不少，塞滿整條Kabeb。醬汁都有啲辣，但好惹味。另外配以沙律菜。MoMo's（$89）尼泊爾餃子，有十隻，即蒸，熱辣辣。餃子皮唔算薄，但煙韌有口感。豬肉餡料有肉汁。附上嘅醬汁少少酸辣，點嚟食開胃又解膩。PS：沒有加一服務費。