川燒 (Closed)

講起食串燒，有一間串燒店真係好味到頂呱呱，就係位於佐敦的川燒，未入店已經聞到香噴噴的川燒味啦，真係聞到都流口水呢。點解來食川燒，就要講返呢度既食材，真係好新鮮同埋燒得好好味，呢度除左串燒，仲有日式炒飯，麵食，同埋特式飲品，真係好正，難怪坐滿曬人，真係遲一步都拿唔到位。呢度的串燒種類好多，包羅萬有，今次就點了燒日本廣島生蠔，燒白鱔，燒法式鵝肝多士，燒羊架仔，燒特級厚切牛利心，燒一口牛，燒韭菜和娃娃菜，川香肉碎燒茄子，川香麻辣豬大腸，燒雙重芝士牛油果，芝士燒大虎蝦，還點了一碟日本蟹肉炒飯。基本上樣樣都燒得好好食，川燒肉碎茄子同別家不同的係，已經將茄子切好，一塊塊夾起來吃即可。燒雙重芝士牛油果不是咁容易，牛油果必須新鮮，這裡的食材真的不容置疑，十分好食，燒法式鵝肝多士更是比酒店式的鵝肝更好吃，叫炒飯的話也重點推介日本蟹肉炒飯，大大碟蟹肉也多，好有飽腹感。溫馨一提餐廳都幾full，想食好好味串燒就記得訂座留位啦。