Spices Island Mixed Fusion Food (Closed)

晚上8點到達餐廳，可能因為新年原因，餐廳唔算FULL，唔需要等位就可以入去，入面D姐姐都識聽廣東話的。整體而言，Spices Island Mixed Fusion Food無隔離果2間食Fusion菜既多人，而且姐姐D服務比較大頭蝦，但食物整體都可以，適合喜歡重口味朋友，環境都算乾淨。是日晚餐一共叫咗4樣野，包括一個冬蔭公湯、咖哩牛肉、原味Naan及半份牛肋骨配沙律薯角，上菜每人都有碗雜菜湯同一份「烤薯片」。呢個冬蔭公湯好足料，但同一般係泰國餐廳飲既有少少唔同，呢個湯比較辣同濃味，感覺係比較印度FEEL。主要配料有蝦、蘑菇同埋肉。平時唔太好食咖哩，對咖哩無太多認識，但呢個咖哩都係比泰式既辣少少。呢間餐廳有幾款咖哩可選，大家可以根據自己喜愛的辣度去選擇。每次食呢類菜都好鐘意食NAAN，呢度既NAAN勞得相對無咁軟身同濕，所以沾D咖哩食一流。如果仲有叫埋其他野食，半份牛肋骨岩岩好夠2個人食，唔多唔少，D肉唔會硬。而且個配菜沙律很不錯，好清新!呢個附送既雜菜湯係幾好飲的，低個烤餅就比較咸，仲有一紅一綠既醬，唔鐘食食太重口味食物的人，應該唔需要個醬。