焱燒串燒專門店 (Closed)

今日去佐敦食串燒，餐廳叫做焱燒串燒專門店，柯士甸站一出行6分鐘，地方唔算好大，不過食物種類算好多，味道亦都好唔錯，價錢都好親民。特別要提，餐廳有特製嘅泰式醬汁，一定要試。.串燒🍚冬菇，冬菇經過燒咗之後，有另一種風味，有冬菇的蔬菜汁，好豐富的口感。🍚蒜片汁燒牛仔骨，牛仔骨肉味濃郁，加咗汁醬一齊燒，更加香口，又唔會太乾，另外仲有蒜片一齊食，味道更為提升。🍚雞子串，我知好多人未必鍾意食，不過一鍾意就好鍾意食，雞子外皮燒到微焦，口感軟綿，味道濃郁。🍚蒜蓉燒日本廣島蠔，生蠔蠔肉夠大隻，新鮮美味，加咗蒜蓉一齊去燒，係最尊重新鮮食材嘅煮法。🍚燒玉子，玉子外皮燒到焦焦的，味道夠甜美，一口一粒，非常滿足。