七福神和食亭

Open Now

Now Closed

之前同老公食過呢間佐敦既日本料理性價比好高，食物質素好好，咁啱我哋去尖沙咀行街，行完街就嚟食晚餐😊餐廳很有日本小店嘅感覺，而且有好多日本特色擺設，地方寬敞坐得舒服👍🏻蟹籽沙律：因為我哋都鍾意食沙律，所以叫咗大size，size超級大比人面大，我哋仲特登叫餐廳安排醬汁另上，可以自行決定加幾多醬汁，沙律既青瓜絲好新鮮，蟹子嘅份量好充足，蟹柳都好鮮甜，好好味👍🏻刺身拼盤：我覺得最正係海膽，勁鮮甜，夠哂creamy😬黑鯛都好正, 質感爽甜，有魚油香，甘蝦大大隻，而且好鮮甜，帶子都好鮮甜，三文魚鮮而且肥美👍🏻鰻魚手卷：鰻魚鮮甜有肉汁，而且醬汁香，紫菜都夠脆，好味😋火炙三文魚壽司：三文魚肥美，火炙後魚油香更加突出，手握壽司飯恰到好處唔會太實👍🏻赤貝壽司：赤貝爽口之餘勁鮮甜，配埋壽司飯一齊食好正😊墨魚咀唐揚：出面唔多地方食到墨魚咀，炸得夠晒脆，鮮甜煙韌，好惹味👍🏻唧啲檸檬汁同埋點啲附上的美乃滋醬汁仲好食😀石鍋燒香蒜牛肉飯：牛肉有牛味而且香滑多汁，配上香蒜同燒汁，送飯一流😬風味花魚燒：估唔到咁大條咁多肉，花魚鮮甜中帶一點鹹香，而且燒得恰到好處，外少少焦香，內裏充滿肉汁，點埋附上酸酸甜甜嘅醬汁一齊食仲正