Video
Read full review
2021-06-07
64 views
佐敦新開抵食午市一人鍋套餐 — 十二鍋▫️無論幾熱都要打邊爐🤣近日為食兔又去咗試佐敦新開嘅十二鍋，呢度主打一人火鍋，有多達12款唔同嘅湯底，其中有一款係期間限定，就係近期大熱嘅香濃芫荽鍋，鍾意食芫荽嘅你一定啱晒！▫️而今次為食兔同朋友就試咗台式麻辣鍋同埋一品酸菜白肉鍋，佢哋嘅午市套餐只係$88😱而晚市套餐都係$115！仲要包埋一個飯或者粉絲，仲送埋嘢飲，真係好抵！仲要配上好多唔同嘅配料，相當豐富！▫️🌶台式麻辣鍋太耐冇去台灣😢最懷念就係台灣嘅麻辣火鍋！湯底叫左中辣，不過為食兔覺得比較似微辣，下次會想試吓大辣！🤣會更加麻辣配料有牛肉、麻辣鴨血、爆汁牛丸、蟹籽丸、娃娃菜、炸枝竹、鳴門卷、冬菇、金菇、蛋餃，芝士魚、豆腐，蜂巢豆腐。最鍾意食佢個蜂巢豆腐，索曬麻辣汁！▫️一品酸辣白玉鍋平時都好鍾意食酸菜魚嗰類，去打邊爐都會必食酸辣、麻辣！所以另一個湯底當然揀咗酸菜白肉湯底啦😆呢個湯底都係味道酸酸辣辣，酸度適中，而配料嘅分別係豬腩片、酸菜、濃汁豬肉丸同特級花枝丸。呢一個湯底都係叫咗粉絲，所以啲粉絲係完全索晒啲酸辣汁😍十分開胃！好啱我口味！▫️現切封門柳（$98）油脂分布得好靚，同埋顏色呈鮮紅色，賣相相當吸引
▫️
無論幾熱都要打邊爐🤣近日為食兔又去咗試佐敦新開嘅十二鍋，呢度主打一人火鍋，有多達12款唔同嘅湯底，其中有一款係期間限定，就係近期大熱嘅香濃芫荽鍋，鍾意食芫荽嘅你一定啱晒！
▫️
而今次為食兔同朋友就試咗台式麻辣鍋同埋一品酸菜白肉鍋，佢哋嘅午市套餐只係$88😱而晚市套餐都係$115！仲要包埋一個飯或者粉絲，仲送埋嘢飲，真係好抵！仲要配上好多唔同嘅配料，相當豐富！
▫️
🌶台式麻辣鍋
太耐冇去台灣😢最懷念就係台灣嘅麻辣火鍋！湯底叫左中辣，不過為食兔覺得比較似微辣，下次會想試吓大辣！🤣會更加麻辣配料有牛肉、麻辣鴨血、爆汁牛丸、蟹籽丸、娃娃菜、炸枝竹、鳴門卷、冬菇、金菇、蛋餃，芝士魚、豆腐，蜂巢豆腐。最鍾意食佢個蜂巢豆腐，索曬麻辣汁！
▫️
一品酸辣白玉鍋
平時都好鍾意食酸菜魚嗰類，去打邊爐都會必食酸辣、麻辣！所以另一個湯底當然揀咗酸菜白肉湯底啦😆呢個湯底都係味道酸酸辣辣，酸度適中，而配料嘅分別係豬腩片、酸菜、濃汁豬肉丸同特級花枝丸。呢一個湯底都係叫咗粉絲，所以啲粉絲係完全索晒啲酸辣汁😍十分開胃！好啱我口味！
▫️
現切封門柳（$98）
油脂分布得好靚，同埋顏色呈鮮紅色，賣相相當吸引😍
▫️
鹽酥雞（$42）
熱辣辣！好香脆惹味！
▫️
芋香奶綠(+$7)
冬瓜茶(+$7)
飲品嘅款式都相當多，好多台式飲品可供選擇
▫️
地址：十二鍋 (佐敦)
佐敦彌敦道219號莊士倫敦廣場地下4&5號舖
▫️
總結來講，價錢都相當親民，而且火鍋湯底同飲品嘅選擇都相當多，火鍋一人套餐睇落好似份量好細，其實都好夠食！好飽肚🤰🏻
Post
