尚上下夏 - 養生雞煲火鍋 (Closed)

之前成日聽朋友推介呢間雞煲，今次終於有機會黎食啦😋雞煲味道果然非常惹味，同平時食開既雞煲好唔同，醬汁非常濃郁且入味。雖然雞煲好好味，但餐廳個冷氣唔係幾夠大，食果陣有d辛苦🥵🥵食完雞煲之後，我地揀左龍蝦湯湯底打邊爐。一開始以為加左湯之後個味道可能會變淡，出奇地龍蝦湯都幾重口味，個龍蝦味道幾突出🦞手切頂級安格斯牛肉牛肉脂肪分佈均勻，而且都幾重牛味。半份牛肉黎講份量都算唔少，已經好夠兩個人食🤔珊瑚蚌拼桂花蚌每次打邊爐都會叫蚌食，就可以知餐廳既海鮮新唔新鮮🫣好好彩呢到既珊瑚蚌同桂花蚌都非常爽口鮮甜，非常推薦!鯇魚腩魚肉嫩滑厚實，而且每塊都幾大舊，食完非常滿足😌