Plato Cafe & Bistro (吳松街)

星期六約左舊同事, 佢啱啱係外國返黎, 特登搵左間cafe可以傾計食飯。Cafe環境幾舒適, 坐落去唔會好迫。我哋叫左個兩人餐, 份量好多, 黑松露薯條炸得好脆， 配合芝士醬味道濃郁幾好食。黑松露帶子野菌扁意粉, 黑松露味道好突出, 醬汁香濃, 帶子亦煎到好香。安格斯牛扒好嫩滑, 食落好juicy, 配合焗薯蓉菜玉瓜味道更佳。最後食左芝士蛋糕, 食落唔太甜, 十分滿足。整體來講, 餐廳食物質素幾高, 好適合同朋友靜靜地傾下計。