Mamaday Studio (Closed)

聽說佐敦有一間打卡好靚的搞鬼cafe, 於是同朋友去見識一下。食物方面，選擇不算太多，以飲品為主，和四五款蛋糕和咸點，我們點了🐱睇心情整梳打$44主要材料係玫瑰、乾果和梳打，唔算太甜，非常消暑解渴，清新怡人。🐱豆腐豆腐咖啡$48豆腐咖啡比較淡，唔甜，配豆腐雪糕剛剛好。雪糕比想像的大球，很重豆腐味，挺滑，唔算太甜。🐱白朱古力士多啤梨慕絲蛋糕$48很靚的賣相，粉紅色配白色令少女心大爆發，唔太甜，芝士味濃，士多啤梨和玫瑰花味的香味令人有春天的感覺。環境方面，餐廳有三層，由門口到樓梯和進食的地方都有好多打卡位，由文青風到搞鬼風適合愛拍照的人。不得不提係店長貓兩隻，大地和在下。活潑可愛，亦親近人，令人心也溶化了。