川燒 (Closed)

同朋友喺尖沙咀行完街， 見到喺柯士甸地鐵站附近嘅川燒 。鍾意飲下啤酒食下串燒嘅我哋，就入去食晚飯。燒雞泡魚魚乾雞泡魚乾係我最鍾意嘅送酒小食之一， 煙煙靭靭 ，味道鮮甜。燒鮮白鱔燒白鱔外皮焦香， 內裏肉質鮮嫩，保存白鱔嘅肉汁。川味麻辣花甲花甲非常鮮嫩，配合著花椒，乾辣椒等等嘅配料煮成， 又麻又辣食到停唔到口。川香肉碎燒茄子蒜蓉肉碎鋪在鮮嫩多汁嘅茄子上邊，軟軟的嘅茄肉配埋辣肉碎非常香口， 茄子獨有嘅香味充滿味蕾， 非常好食。 同出面燒茄子唔同，茄子係已經沒外皮，可以直接食，非常方便！黑松露燒腐皮溫泉玉子玉子非常嫩滑，和燒腐皮同黑松露一齊食，口感層次豐富。燒特級厚切牛脷燒牛脷外邊焦香，裏邊鮮嫩, 配上椒鹽 ，鹹鹹地非常惹味。燒豚肉生菜卷生菜卷外表好精緻， 生菜包和豚肉包住一層層嘅，感覺清爽，唔肥膩。燒麻辣羊肉串經過孜然粉，辣椒粉醃製嘅羊肉串，既麻辣又鮮香，十分惹味。汁燒穀飼一口牛用蒜蓉汁醃過嘅牛柳粒，肉汁飽滿，沾上醬汁食落，香噴噴。 燒日本廣島蠔廣島蠔海水味比較重，燒得啱啱熟，口感嫩滑，味道鮮甜。最後我嗌咗我最鍾意食嘅日本燒雞胸軟骨串同蜀都炒飯。餐廳裝修雅緻，門口外面都設有座位， 食物質素高