Video
Read full review
2024-08-25
36 views
日の苑西日式外賣專門店 NINOEN Japanese Take-Away Shop📍佐敦寶靈街41號地下C號舖Happy Friday，捱過一個忙碌嘅星期，媽咪都想趁老爸去飲唔煮飯唞唞，所以我自薦放工後買埋外賣返去。天氣咁熱，食飯麵呢啲熱食都唔太啱心水，搭地鐵煩惱緊買咩之際，俾我search到一間喺佐敦嘅平價壽司外賣店，決定急急腳落車買返啲返屋企食。再碌多幾下，先發現原來係我以前幫襯過嘅外賣壽司另一分店，知道食過更有信心，所以一口氣買咗兩款卷物、一個刺身飯同一款小食，夠晒我哋食。 💰$78三文魚甘蝦刺身飯 🍱刺身飯應該係日の苑一大人氣產品，一共有16種款式供選擇，揀啱心水話俾店員聽，廚師就會即時準備。Toppings我揀咗媽咪最愛嘅三文魚，同我自己好鍾意嘅甜蝦，一碗滿載鮮美！我哋呢碗有5大片三文魚同4隻大甜蝦，仲伴有蟹籽、青瓜絲同酸薑，份量足夠兩人食用！而且刺身飯有跟麵豉湯或飲品，性價比真係好高！ 💰$45三文魚牛油果細卷 🥑雖然個名叫細卷，但事實上一啲都唔細！呢款卷物可以一次過滿足晒我兩個願望，可以一口食晒我愛嘅三文魚同牛油果，飯卷沾滿蟹籽，而且飯量勁多，飽肚之餘亦幾滋味，推介大家
📍佐敦寶靈街41號地下C號舖
Happy Friday，捱過一個忙碌嘅星期，媽咪都想趁老爸去飲唔煮飯唞唞，所以我自薦放工後買埋外賣返去。天氣咁熱，食飯麵呢啲熱食都唔太啱心水，搭地鐵煩惱緊買咩之際，俾我search到一間喺佐敦嘅平價壽司外賣店，決定急急腳落車買返啲返屋企食。
再碌多幾下，先發現原來係我以前幫襯過嘅外賣壽司另一分店，知道食過更有信心，所以一口氣買咗兩款卷物、一個刺身飯同一款小食，夠晒我哋食。
[價錢 Price]
💰$78
三文魚甘蝦刺身飯 🍱
刺身飯應該係日の苑一大人氣產品，一共有16種款式供選擇，揀啱心水話俾店員聽，廚師就會即時準備。Toppings我揀咗媽咪最愛嘅三文魚，同我自己好鍾意嘅甜蝦，一碗滿載鮮美！
我哋呢碗有5大片三文魚同4隻大甜蝦，仲伴有蟹籽、青瓜絲同酸薑，份量足夠兩人食用！而且刺身飯有跟麵豉湯或飲品，性價比真係好高！
[價錢 Price]
💰$45
三文魚牛油果細卷 🥑
雖然個名叫細卷，但事實上一啲都唔細！呢款卷物可以一次過滿足晒我兩個願望，可以一口食晒我愛嘅三文魚同牛油果，飯卷沾滿蟹籽，而且飯量勁多，飽肚之餘亦幾滋味，推介大家一試。
[價錢 Price]
💰$40
火龍卷物 🍤
另一款係雙色火龍卷，半份紫菜，半份蟹籽，內餡同樣卷有天婦羅蝦、青瓜同蝦柳。雖然天婦羅蝦表皮唔脆，但蝦肉鮮嫩彈牙，又係大大一件，飽足感100%！
[價錢 Price]
💰$30
鹽燒三文魚骨 🐟
我媽咪嘅至愛side dish之一，就係鹽燒三文魚骨，每次去日本餐廳叫定食都必點，不過每次都要撞正當日師傅有開魚先有得食，而且單價都比較貴。無估到喺外賣店都買到鹽燒三文魚骨，一見到就即刻揀返盒靚嘅買返去孝敬佢。
日の苑嘅魚骨用鹽而非黑椒調味，輕輕吊出三文魚嘅鮮味。每件魚骨都色澤亮麗，近腩位嘅地方油脂豐腴，帶皮嘅位置則燒得非常香脆。個人推介買返屋企後放入焗爐或氣炸鍋以少於120度翻熱5-7分鐘，逼出魚油之餘仲可以令魚骨更香脆！
Post
