網紅串燒

Open Now

Now Closed

雖然依加北上食野好方便，但對於市區人，當然想係市區都食到川菜嘅味道。🐷介紹呢間味道同深圳嘅好相似，整體乾淨衛生。 🐚涼拌花甲 $68花甲新鮮嫩滑，花甲同配菜份量都算多，汁底有除左辣油，仲有蒜粒同少少醋，酸酸辣辣好開胃👍🏻 🐟香辣魚皮 $68魚皮爽口，份量同樣算多，汁底同花甲有少少唔同，冇左醋味但鮮味濃郁。 🍜涼拌麵 $49街外好多涼拌麵都會整得太淋身，呢度嘅麵爽口彈牙，掛汁又唔會太油膩。 🍗生烤雞全翼 $18充滿肉汁，孜然同辣粉非常入味，唔會有太多粉係表皮，推薦🫶🏻 🍆蒜蓉燒茄子 $30串燒店必吃美食之一，蒜蓉同辣味非常突出，熟成度岩岩好，唔會太難刮啲茄子肉出黎。 🦑燒魷魚鬚 $38魷魚鬚頭嘅部分柔軟彈牙，尾部香脆可口，食多啲都唔會覺得有膩感。 🐔雞腎 $18外脆內軟，同樣粉唔多但非常入味，適當保留肉汁。 🥬燒韭菜 $15食得多肉當然想食啲菜，燒韭菜本身好易入味，水份充足絕對唔會太乾。