Video
Read full review
2024-07-24
288 views
咁啱同另一半講起好耐冇食鐵板燒，佢搵咗陣資料就同我講不如試吓呢一間。個位置唔難搵，但係門口都幾神秘。份量對我嚟講啱啱好，但係每一道菜都感受到個廚師真係有落心機處理，食完覺得好滿意。‣ 入門廚師發板套餐（五道菜） $588‣ 季節廚師發板套餐（七道菜） $788· 煙三文魚沙律佢嘅煙三文魚沙律嘅調味好出色，對我嚟講食得好舒服，柚子汁同埋黑醋汁平衡得好好，隔離仲有個酸酸甜甜嘅龍珠果俾你開胃先。而佢嘅魚子醬點綴都好好，冇咩好挑剔嘅地方。· 前菜係包括喺七道菜入面，同樣都有魚子醬作點綴。為咗提升蛋嘅香味，仲特別加入咗白松露汁，就算撈勻咗嚟食其實都食到本身魚子醬嘅鹹香、白松露佢本身細膩嘅香，同埋蛋本身嘅濃郁，個人都幾鍾意。· 鐵板海鮮兩品五道菜同埋七道菜都分別可以揀幾款海鮮，我哋揀咗帶子、鮑魚、白鱔同埋虎蝦。帶子煎到外脆內嫩，鮮甜多汁，搭配少少嘅鹽作調味，味道簡單但出眾。鮑魚同樣煎得剛剛好，口感夠彈牙，同埋隱約食到淡淡嘅酒香，相信係認真處理過先可以突顯到鮑魚嘅香味。而白鱔外皮香脆，嫩滑而且唔腥，個處理好唔錯。至於虎蝦，搭配隔離嘅虎蝦膏汁，更加食到肉質本身嘅鮮甜，同樣都係好滿意。· 澳洲牛柳粒超級
‣ 入門廚師發板套餐（五道菜） $588
‣ 季節廚師發板套餐（七道菜） $788
· 煙三文魚沙律
佢嘅煙三文魚沙律嘅調味好出色，對我嚟講食得好舒服，柚子汁同埋黑醋汁平衡得好好，隔離仲有個酸酸甜甜嘅龍珠果俾你開胃先。而佢嘅魚子醬點綴都好好，冇咩好挑剔嘅地方。
· 前菜
係包括喺七道菜入面，同樣都有魚子醬作點綴。為咗提升蛋嘅香味，仲特別加入咗白松露汁，就算撈勻咗嚟食其實都食到本身魚子醬嘅鹹香、白松露佢本身細膩嘅香，同埋蛋本身嘅濃郁，個人都幾鍾意。
· 鐵板海鮮兩品
五道菜同埋七道菜都分別可以揀幾款海鮮，我哋揀咗帶子、鮑魚、白鱔同埋虎蝦。帶子煎到外脆內嫩，鮮甜多汁，搭配少少嘅鹽作調味，味道簡單但出眾。鮑魚同樣煎得剛剛好，口感夠彈牙，同埋隱約食到淡淡嘅酒香，相信係認真處理過先可以突顯到鮑魚嘅香味。而白鱔外皮香脆，嫩滑而且唔腥，個處理好唔錯。至於虎蝦，搭配隔離嘅虎蝦膏汁，更加食到肉質本身嘅鮮甜，同樣都係好滿意。
· 澳洲牛柳粒
超級鍾意呢道菜，每一粒牛柳都帶有微微嘅炭香。完全唔需要任何醬汁，就咁用簡單嘅鹽同胡椒調味，已經突顯到牛本身嘅天然鮮味。餐廳嘅蒜片都係自己炸，一啲都唔重油膩感，搭配牛柳粒一齊食啱啱好。食到後期仲可以加少少餐廳自己磨嘅Wasabi，食得出唔係加工過嘅Wasabi，味道天然得嚟又可以提升牛肉嘅香味。
· 菊花豆腐白麵豉湯
上菜嘅時候，佢話今日幫我哋upgrade咗做龍蝦麵豉湯。老實講個樣真係其貌不揚，但係飲落去嘅時候覺得相當驚喜，極度濃郁嘅龍蝦味，我飲嘅時候就見到龍蝦膏喺入邊，冇諗過原來兩隻嘅味道係咁夾。可能因為完全冇期望，結果超出我嘅期望太多，忍唔住用咗好多篇幅嚟講呢一碗湯。
· 黑松露海鮮炒飯
黑松露味真係好出，完全唔使擔心個海鮮炒飯冇海鮮味，因為仲有三文魚子幫手。我好鍾意食嘅時候隱約食到飯焦嘅感覺，啲飯粒脆卜卜，最值得讚賞係唔會話好乾身，份量啱啱好幾啖就食晒。本來又係冇諗過個炒飯咁好食，又係出乎意料之外。
· 時日甜品
今次個甜品就係紫薯雪糕配大馬士革玫瑰，味道正正常常，食落去感覺係舒服嘅，唔會話太甜。但係我覺得最得意嘅都係嗰啲好似爆爆珠嘅紅豆，變相紅豆嘅時候又會食到啲唔同嘅口感，幾有趣過癮。
‣ 菊正宗純米 $99
真係要讚餐廳好貼心已經將冰桶準備好，而且個酒杯都好靚，應該係十二生肖系列，我哋就有一隻老鼠仔同埋馬騮仔。我自己都幾鍾意菊正宗，口感清爽得嚟，入口都好順滑，唔會過分烈，係一款好優雅嘅酒，我覺得好適合襯鐵板燒食住飲。
Post
