尚鮮海鮮料理

Open Now

Now Closed

原來佐敦有間咁高質嘅打邊爐「尚鮮火鍋海鮮料理」menu除咗有套餐外，亦有多種刺身、牛肉同海鮮選擇🐮🐟🦐🦞夏天熱辣辣當然要點返個消暑嘅湯底姬松茸冬瓜湯內有大量粒粒冬瓜、粟米、姬松茸、蕃茄、豬肉粒，湯底清甜消暑，我都忍唔住一黎到就飲咗兩碗牛三併雪花牛柳粒、特尚手切牛、本地手切牛雪花牛柳粒牛肉味最濃，帶有一點油脂，一口咬落去爆汁手切牛肉質軟稔，只需輕輕淥幾秒，牛肉仲帶有淡淡的粉紅色，入口即化，非常好食響鈴新鮮即炸嘅響鈴卷，一上枱我就已經試咗一條，非常酥脆香口，另一種食法，擺落湯浸3秒，表皮吸滿湯汁，內裏依然保持酥脆嘅口感，推介👍🏻雲吞拼西洋菜餃雲吞餡用咗鮮蝦豬肉木耳，蝦肉大牙木耳爽脆，口感非常豐富西洋菜餃用咗西洋菜冬菇做餡料，味道清香，估唔到佢咁好食👍🏻👍🏻👍🏻鮮打四寶丸墨魚丸、蝦丸、豬肉丸、牛丸呢四種丸都係新鮮手打，口感豐富，充滿肉汁香味，令人一試難忘，打邊爐不可缺少😎脆鯇魚片魚片厚度適中新鮮爽脆，魚肉結實田園盛蔬菜拼盤內有蘿蔔、娃娃菜、生菜、油麥菜蔬菜新鮮爽甜，份量不少尚鮮除咗打邊爐外，仲有私房菜提供，下次黎一定要試吓佢嘅私房菜✌🏻呢度嘅服務都好貼心，店員會主動加湯同幫我地撇走湯上面嘅油