川燒 (Closed)

前兩日突然轉涼 最岩就係去食串燒🍢🍡呢間真係好多選擇，即叫即燒，仲有好多創意食品！海鮮嘅款式呢度都算好多，樣樣都想試所以當晚點咗好多😋其中最推薦嘅有：燒日本廣島生蠔- 我至愛嘅燒生蠔，🦪好新鮮，加埋蒜蓉，一咬開爆汁又滿滿蒜蓉香口，鮮味無比。甲羅燒拼多士-原隻蟹殼上碟，入面有蟹膏、蟹肉同蟹籽,配多士一齊食😋夠惹味。燒鮮白鱔 -外層燒得好香脆，肉質肥美軟嫩!燒羊架- 咬落去超juicy ，肉質肥美嫩滑，配埋薄荷醬同芥末一流！麻辣鴨血-估唔到呢到嘅鴨血咁入味滑嫩，辣得過癮川香肉碎燒茄子-都係必叫，比手掌更大的茄子上鋪滿厚厚一層蒜蓉，食落好惹味，送酒一流！愛食菜的朋友也可以試試燒韭菜，好香口。我食串燒最鍾意食烤菠蘿，呢度嘅蜂蜜燒鳳梨一定要點，食落特別清甜細膩，就算最後好飽都食咗好多件。餐廳附近有唔同嘅嘢食，不過當晚落雨天氣唔好，見其他餐廳都冷清清但唯獨呢一間爆場，就連外面嘅位都坐滿就知幾好味😋同三五知己黎呢度慢慢傾吓計，食串燒配啤酒，真係幾happy！