Read full review
2022-12-27
992 views
一間唔起眼嘅Cafe開係一間日本蛋糕店旁邊,真係好難發現,亦唔知佢做到咩質素🤔餐廳係長形,所以一貫左入客,右廚房水(酒)吧。環境好靚,裝修精緻,以黑色做主調加射燈,鐘絲網嘅牆,掛左聖誕裝飾Dinner Set有好多選擇,而且非常豐盛,有湯、小食、主菜同飲品,真係飽到一個點😂餐湯:蘑菇忌廉湯細細碗份量好,味道幾濃,似乎落左松露油小食:麻辣雞軟骨表面同蛋黃醬加左麻辣粉,雞軟骨炸得幾脆,但好奇佢地嘅雞軟骨點解咁大粒!?不過好正小食:白酒煮藍青口呢個一般,白酒汁煮得唔錯嘅,藍青口好似得 8, 9 隻左右,肉質食得出係急凍熟藍青口,因為有幾隻已經熟到鞋兼起粒粒,唔夠鮮嫩主菜:慢煮雞胸配香草醬蝴蝶粉 $ 138香草醬濃郁,未落枱都聞到蝴蝶粉質地過淋,唔夠彈;雞胸慢煮有驚喜,一黎佢開半薄身左,二黎係好軟滑,同平時厚身大雞胸嘅煎法有好大分別主菜:經典牛肉漢堡伴薯條 $ 138好有睇頭,厚到個口咬唔晒咁多層!材料足,漢堡Juicy嫩滑,佢地夠膽做到Medium證明佢地相信自己嘅漢堡肉質有咁上下級數飲品包$42或以下,除左普通咖啡外,仲有堆花茶可以點嘅其中呢個叫『港女家姐』,係蘋果花茶,幾唔錯解膩性價比
餐廳係長形,所以一貫左入客,右廚房水(酒)吧。環境好靚,裝修精緻,以黑色做主調加射燈,鐘絲網嘅牆,掛左聖誕裝飾
Dinner Set有好多選擇,而且非常豐盛,有湯、小食、主菜同飲品,真係飽到一個點😂
餐湯:蘑菇忌廉湯
細細碗份量好,味道幾濃,似乎落左松露油
小食:麻辣雞軟骨
表面同蛋黃醬加左麻辣粉,雞軟骨炸得幾脆,但好奇佢地嘅雞軟骨點解咁大粒!?不過好正
小食:白酒煮藍青口
呢個一般,白酒汁煮得唔錯嘅,藍青口好似得 8, 9 隻左右,肉質食得出係急凍熟藍青口,因為有幾隻已經熟到鞋兼起粒粒,唔夠鮮嫩
主菜:慢煮雞胸配香草醬蝴蝶粉 $ 138
香草醬濃郁,未落枱都聞到蝴蝶粉質地過淋,唔夠彈;雞胸慢煮有驚喜,一黎佢開半薄身左,二黎係好軟滑,同平時厚身大雞胸嘅煎法有好大分別
主菜:經典牛肉漢堡伴薯條 $ 138
好有睇頭,厚到個口咬唔晒咁多層!材料足,漢堡Juicy嫩滑,佢地夠膽做到Medium證明佢地相信自己嘅漢堡肉質有咁上下級數
飲品包$42或以下,除左普通咖啡外,仲有堆花茶可以點嘅其中呢個叫『港女家姐』,係蘋果花茶,幾唔錯解膩
性價比高,我唔需要有扒鋸,反而晚市百零蚊乜都有齊最啱我,抵食又豐富,每樣少少,乜都試齊晒,會再黎
Post