Video
Read full review
2018-03-22
901 views
銅鑼灣最近開咗一間上樓日本餐廳，主打佐賀食材，但價格非常親民，所以，今晚特意同朋友來試試。餐廳位於15樓，裝潢雅緻且樓底高，共有40個卡位及吧台供客人用餐。由於選擇Omakase每人都唔洗$700，一於決交俾廚師發辦，唔洗自己煩惱揀選食咩好。個人認為Omakase是品嘗日本料理最高境界，因為廚師會將今晚最好嘅食材製作成美食，不單品嘗食物味道，更是細味廚師嘅心意。未正式用餐前，侍應先把一壺剛泡好嘅嬉野茶帶到我哋面前，即席倒茶並介紹呢杯絕不簡單嘅茶。原來嬉野係九州第一大茶葉產地。雲霧深山圍繞於盆地中，清新空氣加上潔淨嘅水質培育茶葉最好嘅生長環境，成為嬉野當地最具特色名產。今晚有幸品嘗，真心覺得比一般綠茶更好飲，更清香。今晚嘅Omakase一共有九道美食。包括：前菜：燒魚乾前菜：武雄芫茜沙律刺身：生蠔、帶子、油甘魚併拖羅天婦羅：森林蘆筍併羽根蒜頭串燒：三瀨雞肉燒物：西京燒魚熱食：角煮豚肉主食：三瀬雞濃湯豆乳製麵甜品：白酒配蕃茄其實每道菜都好出色，因為佐賀本來嘅食材就係新鮮。當中，有三款食材更令我一試難忘。第一，係生蠔。因為侍應告知我，呢個品種嘅日本蠔雖然較細隻，但因為生長靠近岸邊，而且採用密
銅鑼灣最近開咗一間上樓日本餐廳，主打佐賀食材，但價格非常親民，所以，今晚特意同朋友來試試。餐廳位於15樓，裝潢雅緻且樓底高，共有40個卡位及吧台供客人用餐。
由於選擇Omakase每人都唔洗$700，一於決交俾廚師發辦，唔洗自己煩惱揀選食咩好。個人認為Omakase是品嘗日本料理最高境界，因為廚師會將今晚最好嘅食材製作成美食，不單品嘗食物味道，更是細味廚師嘅心意。
未正式用餐前，侍應先把一壺剛泡好嘅嬉野茶帶到我哋面前，即席倒茶並介紹呢杯絕不簡單嘅茶。原來嬉野係九州第一大茶葉產地。雲霧深山圍繞於盆地中，清新空氣加上潔淨嘅水質培育茶葉最好嘅生長環境，成為嬉野當地最具特色名產。今晚有幸品嘗，真心覺得比一般綠茶更好飲，更清香。
今晚嘅Omakase一共有九道美食。包括：
前菜：燒魚乾
前菜：武雄芫茜沙律
刺身：生蠔、帶子、油甘魚併拖羅
天婦羅：森林蘆筍併羽根蒜頭
串燒：三瀨雞肉
燒物：西京燒魚
熱食：角煮豚肉
主食：三瀬雞濃湯豆乳製麵
甜品：白酒配蕃茄
其實每道菜都好出色，因為佐賀本來嘅食材就係新鮮。當中，有三款食材更令我一試難忘。
第一，係生蠔。因為侍應告知我，呢個品種嘅日本蠔雖然較細隻，但因為生長靠近岸邊，而且採用密集養殖方式，令佢地不斷爭食，所以蠔身特別肥厚美味，口感爽口。平時我唔會食生蠔，因為怕太creamy嘅口感，而今次係我第一次食，竟然一試就愛上。
第二，羽根蒜頭天婦羅。蒜頭作為配料，我一向不抗拒，但從來唔會原粒食。不過，羽根蒜頭有别於一般蒜頭，比較淡味，外型特別，只有一根蒜頭，不是原個多粒那款。以天婦羅方式炸，入口即溶化，感覺似食炸洋蔥圈，非常香口。
第三，三瀬雞濃湯豆乳製麵。外貌平實，只有蔥花及紫菜作配菜，但麵及湯底才是主角。麵粗幼適中，煙韌有口感，至於雞湯，呈奶白色，相信一定係經過長時間才煲成，真係好鮮甜，原汁原味。如果想口感多d層次，仲可以配柚子胡椒一齊食，份外清新亦不會油膩。
最後，亦要一讚餐廳嘅侍應，因為佢地好尊業，上每一道菜時，定必親身介紹食材，令我了解更多，更能好好享受美食。每晚是我近一年來最享受及難忘嘅日本餐！
Post
